بعد شتريد اسويلك\r\nاصيرن شمعة وضويلك\r\nبعد شتريد اسويلك\r\nابوك بشوش* واشويلك\r\nنسيت شچنت اطبخلك وشچنت آنة احشيلك\r\nآنة اللي چنت البخلك ومن كل الالوان اخليلك \r\n

 

\r\n

وبالصالون اذب آلاف حتى بتسريحة حلوة اجيلك

\r\n

 

\r\n\r\n

اثاري الطبخ واللبخ ميفيد شسويلك بعد يمعود دخيلك\r\nابن الاوادم نسيت شچنت اسويلك\r\nمن جنت تعطش وينكطع بوري الماي اگل لعيوني تبچيلك\r\n

 

\r\n\r\n

واشربك من دموع العين ماي عذب يصفيلك\r\nوك نسيت شچنت اسويلك\r\nمن چنت تتگلب وماتنام الليل آني اسهر وألوليلك*\r\nوالظهرية من تطفي الكهرباء أني اعرگ واهفيلك*\r\nواذا بليلة مسج دزيت\r\nألم فلوس الكارت واعبيلك\r\nومن چنت تزعل عليه جيش مشاية اوديلك\r\nنسيت شجنت اسويلك\r\nمن اجيتني بطرگ دكان تبيع بي مصاصك ومساقيلك*\r\nگلت رجلي وراعي بيتي\r\nواجب علي لو ينكسر ظهري اشيلك\r\n

 

\r\n\r\n

وحتى افتحلك محل بي خير ابيع بذهبي وابنيلك\r\nوما كفت فلوس الذهب رحت تداينت وما جيت بيوم اشكيلك\r\nوتسالني شجنت اسويلك !!!!!\r\nومن صارت عندك فليسات\r\n

 

\r\n

صرت آني وجهالي كلشي مانعنيلك

\r\n

 

\r\n

ومن اطلع اشتري خضورات تغافلني وتروح تلعب بذيلك

\r\n

 

\r\n\r\n

رصيدك خلص من المسجات يوم سمسم يوم نمنم تقشمرهن بمراسيلك\r\nوبكل ليلة تجي سكران وريحة نسائية تعط من مناديلك\r\n

 

\r\n\r\n

واليوم….اجيت إلي ندمان تطلب سماحي وتتوسل اجيلك\r\nتقشمرني بكلمة احبچ\r\nمن حبتك حية بعد ما يعبر علي فيلك*\r\n

 

\r\n\r\n

شحسبالك احنة بالمكسيك؟\r\nلو انتة بمدبلج وتتفنن بتمثيلك\r\nما ارجع الك لو حتى تبني قصور روح بعيد انتة وكفشتك* وتواسيلك\r\n

 

\r\n\r\n

تگلي بحقچ چنت آنه غلطان\r\nمن گبر اللي لفك ووجعة التشيلك\r\n

 

\r\n\r\n

وانشالله التاج محل رحلتي تكون\r\nوانت لأبو غريب يصير ترحيلك\r\n

 

\r\n\r\n

وحق ذهباتي البعتهن\r\nمول لفتح يم محلك واشرد كل معاميلك\r\nوحق شيباتي اللي من القهر طلعن\r\nلاصير اصالة بت نصري واغنيلك\r\n

 

\r\n\r\n

اسفة شوفلك غيري تكنسلك وتطبخلك وتكويلك\r\nوتسويلك ولو ذرة من الچنت آنة اسويلك\r\n

 

\r\n\r\n

*بشوش : ومفردها بشّة وهي البطة او الوزة\r\n*الوليلك:وهي عملية الغناء للطفل حتى ينچب وينام\r\n*اهفيلك:كلمة قديمة ولم يعد لها استعمال بسبب توفر الكهرباء\r\n*مساقيلك: ومفردها مسقولة وهو ماكنتوش عراقي\r\n*فيلك : وهو الفيل , كائن يطير عندما يبدأ الانسان بالكذب\r\n*كفشتك : وهي تسريحة غير قانونية يعني فاول

Leave a Reply اضف تعليق

الارشيف
التعليقات
HTML Snippets Powered By : XYZScripts.com

google